Un pulis el ya iri naun incidente de atake de Granada na ciudad de Isabela, provincia del Basilan, asegun con el policia del Lunes.
Si Police Lieutenant Colonel Parson Asadil, el jefe del policia na ciudad de Isabela, ya identifica con el victim como si Patrolman Aldimar Salahuddin, un personaje del Regional Mobile Force Battalion-9.
Asegun con Asadil, el atake de Granada ya ocuci mga alas 9:45 del Domingo denoche na Community Police Action Center (COMPAC) na barangay Sunrise, ciudad de Isabela.
Asegun con Asadil, ya iri si Salahuddin despues que ya rebenta un granada que ya gueria el suspechao mientras ta rendi servicio el victima.
Si Asadil ya habla, con Salahuddin ya lleva na hospital para el tratamiento medical y na condicion establ ya el victima.
Asegun con Asadil, ta continua de ila investigacion para determina el identificacion del suspechao, quien enseguidas ya esapa despues de incidente. (B. Garcia)