Opisyal mula sa Pru Life UK ay nagsagawa ng courtesy visit kay Mayor Khymer Olaso sa City Hall noong miyerkules ng hapon Hunyo 17, bago ang Digital Financial Literacy at Takaful Summit na naglalayong isulong ang responsableng pamamahala sa pananalapi at digital awareness sa mga Zamboangueño.
Ang summit ay gaganapin sa Grand Astoria Hotel ngayong Huwebes Hunyo 18, ay inorganisa sa pakikipagtulungan ng Department of Information and Communications Technology (DICT-9) BASULTA at inaasahang magtitipon ng humigit-kumulang na 200 kalahok mula sa iba’t ibang ahensya ng gobyerno, pribadong institusuon, academe, business groups at sektor ng kabataan. Ipinahayag ni Mayor Olaso ang kanyang pasasalamat sa mga opisyal ng Pru Life UK sa pagbisita sa City Hall at sa pagdadala ng mga hakbangin na sumusuporta sa edukasyong pinansyal, digital inclusion at higit na kamalayan sa proteksyon sa pananalapi.
Inaasahang dadaluhan din niya ang kaganapan bilang bahagi ng suporta ng pamahalaang lungsod para sa mga programang nagbibigay kapangyarihan sa mga stakeholder sa pag-navigate sa umuusbong na digital economy.
Ayon kay Pru Life UK Senior Vice President at Chief Legal Officer na si Atty. Calvin Kohchet-Chua na binibigyang-diin niya ang kahalagahan ng pagpapalakas ng financial literacy, lalo na kapag mas maraming indibidwal at komunidad ang yumakap sa mga digital platform para sa mga serbisyo.(Algie Rojas)
Source: City Government of Zamboanga