Un grande cosa el entrada del KALAHI-CIDSS Kapangyarihan at Kaunlaran sa Barangay (KKB) Community Driven Development (CDD) na municipio de Lapuyan, Zamboanga del Sur para con el mga vivientes del lugar.
Ese el palabra de Lapuyan Mayor Joel Sulong del Lunes, Hulyo 17, durante el orientacion del programa que ya ase na Waterfalls Convention Hall na Barangay Poblacion, Lapuyan, Zamboanga del Sur.
Ya acompanya con Sulong el 26 mga barrio capitan del Lapuyan y otro mga oficiales del municipio que ta incluwi hasta mga pulis cuando ya atende el alcalde con el orientacion.
Asegun con Sulong cay si dale tu alegriya na comunidad, ay recivi tamen tu mas alegriya como pago.
Asegun con Sulong cay si para conele, el KALAHI-CIDSS es un proceso de “Community Driven Development”, y el “Sub-project” amo un premyo porcausa na cay ta sigi na proceso.
El govierno local del Lapuyan ta suporta con el entrada del programa de DSWD KALAHI-CIDSS na de ila municipio.
Si Sulong, durante el orientacion, ya encabesa con el pirmada del ‘Pledge of Commitment” que ya pirma tambien maga oficiales del barangay y “municipal inter-agency council” y otro pa mga oficiales quien ya atende con el actividad. (Bong Garcia) (Photo Courtesy of DSWD-9)
