- Advertisement -
Ta anuncia el Philippine Red Cross (PRC)-Zamboanga Chapter ya declara cay abierto de ila vaccination center para clava bakuna contra coronavirus disease 2019 (Covid-19) con mga personas de diferente priority groups.
El anuncio ya vene despues ya recivi el PRC-Zamboanga Chapter donacion de tres mil doses de Moderna desde’l Ayala Group of Companies.
El bakuna center del PRC-Zamboanga Chapter talli na Pettit Barracks, na Calle Rizal, enfrente lang na oficina de salud del ciudad.
El PRC-Zamboanga Chapter ta ayuda con el oficina de salud del ciudad na clavada de bakuna contra Covid-19 de primer y segundo doses y tembien de primer y Segundo booster doses. (Bong Garcia, Jr.)
- Advertisement -