Un victima de abduccion el ya salva el mga autoridad aqui na ciudad de Zamboanga, asegun con el policia del Martes.
Asegun con Police Lieutenant Colonel Helen Galvez, el portavoz del mando regional del policia, con el victima ya salva el mga personajes del Zamboanga City Police Station 10 (ZCPS10) y ZCPS7 del Lunes na Sitio Malandi, Barangay Patalon, en este ciudad.
Si Galvez nohay nombra con el victima puera lang de habla’r un 19 años estudianta ele y residente del Sitio Corote, Barangay Malagutay, en este ciudad.
Asegun con Galvez, con el estudianta ya abducta del Lunes y despues ya lleva na Barangay Patalon.
Con el estudianta ya puede salva del Lunes denoche despues que enseguidas ya informa el mga oficiales del barrio de Patalon con el policia aserca el incidente.
Si Galvez ya habla, amarao el mano y pies y tapao el cara de “packing tape” cuando ya salva conele el mga operativas del policia local.
Asegun con Galvez ya continua investiga el policia local para establisa el identificacion del mga suspechao del incidente. (B. Garcia)
