Tres high-value individuals (HVIs) el ya aresta y ya confisca valor de P476,000 droga ilegal el mga autoridad na un campaña contra droga na provincia del Sur Cotabato, asegun con el policia del Martes.
El Area Police Command-Western Mindanao (APC-WM) ya habla cay base na informacion del Police Regional Office-12 (PRO-12), con el tres arestao HVIs ya conoce como canda alias Manong, 37 años el edad y trabajante de construccion; alias Junjun, 37, siembrador; y si alias Enting, 27, un siembrador.
Asegun con el APC-WM, con el tres HVIs ya aresta na un operacion de compra busto na Purok Boundary, Barangay Morales, ciudad de Koronadal, Sur Cotabato.
Asegun con el APC-WM, ya confisca na posesion del tres arestao suspechao 70 gramos de alegaomente shabu enpaquetao na cuatro sobrecitos que tiene el valor de P467,000, parafernales de droga illegal y un trak.
Con el mga arestao suspechao ya pone bajo’l custodia del policia na ciudad de Koronadal en preparacion para el plantada del caso contra canila. (B. Garcia)
