El mga autoridad ya recubri valor de P573,000 contrabando na provincia de Basilan, asegun con el policia del Miercoles.
Asegun con Police Brigadier General Bowenn Joey Masauding, el director del mando regional del policia o Police Regional Office-9 (PRO-9), con el P573,000 cantidad de contrabando compuesto de 10 cajon de cigarillo ya recubri mga alas 9:10 del Lunes denoche na Block 4, Barangay Baluno, ciudad de Isabela, provincia Basilan.
Asegun con Masauding, nohay con quien ya aresta siendo ya abandona con el mga cajon de cigarillo cuando ya llega el mga autoridad na lugar.
Con el mga recubrido cigarillo ya lleva para na quartel del policia na ciudad de Isabela para el propio disposicion.
Si Masauding ya reconoce con el esfuerzo del mga personajes del policia por el recubrida del smuggled cigarillo.
Con el mga cigarillo hay entrega na Buro de Aduana para el propio disposicion. (B. Garcia)