Dipolog: Outstanding Zanortehanons, gipasidunggan sa Kagamhanang-Probinsyal

0
5
(Photo courtesy of Provincial Government of Zamboanga del Norte)

Gipasidunggan sa Kagamhanang-Probinsyal ang mga ZaNortehanons nga nahimong instrumental sa nahimong dagway sa lalawigan sa Zamboanga del Norte sa kasamtangan.

Ang pagpasidungog gihimo sa gipahigayong 2024 Achievers Award Rites sulod sa Zamboanga del Norte Convention and Sports Center nga nahimutang sa Barangay Estaka ning Dakbayan sa Dipolog, dungan sa pagsaulog sa ika-72 ka tuig nga anibersaryo sa pagkahimugso sa Zamboanga del Norte isip usa ka lalawigan.

Sa iyang mensahe ngadto sa mga awardees, si Governor Rosalina “Nanay Nene” Jalosjos nagkanayon nga ang 2024 Achievers Awarding Rites maoy pag-ila sa ilang kontribusyon sa kalambuan nga nakab-ot sa atong lalawigan.

”Sa mga nagkadawat ug Loyalty Award, ang inyong kontribusyon mao ang pundasyon sa atong naangkong kalampusan,” matod pa sa Inahan ning lalawigan.”

Partikular nga gihinganlan ug gipasalamatan sa gobernador ang Provincial Human Resource Office, Tourism ug Legal Office ilabi na si Provincial Administrator Mr. Wilberth “Jojo” Magallanes sa malampusong pagpahigayon sa usa ka semanang kalihokan-ang 2024 Hudyaka ZaNorte Festival ug paghandum sa ika-72 ka tuig nga founding anniversary celebration ug gitapos sa pag-ingon,” Kon kita magtinabangay ug magkahiusa, tanan ug walay di nato makaya.”

Ang mga pasidungog nga nadawat sa mga awardees gilangkuban sa Loyalty Award, Service Award ug mga Board Topnotchers, Special
Ang mga Board Topnotchers gilangkuban nila John Joseph Kagatan-Top I sa Real Estate Licensure Exams and Top 3 Real Estate Appraisers Exam, Ms. Charlin D. Montilla-Top 4 sa Licensure Exams for Midwife, Mr. Joselito Cadag Jr., Top 10 Real Estate Appraisers Licensure Exams and Ms.Danica Mariz Alforque, Top 10 Philippine Nursing Licensure Exam.

Lakip usab sa mga Achieves Awardees sila si Kim Bryan Pabiran sa Sindangan Facoma Community Multi-Purpose Cooperative, Neoriente Ferrer, and Raymond Tumapon ug Posthumous Award kang Ms. Carmencita Ligaya Empeynado sa ZNMC.

Samtang Special Awards ang gihatag kanila ni BFAR-1X Assistant Director for Technical Services, Director IV Isidro Velayo, Jr., PHILVOLCS National Director Mr. Teresito “Toto” Bacolcol, ILt Cielo Rose Dolorican, ug Miss Philippines Earth-Air 2024 Ms.Feliz Clareianne Thea S. Recentes.

Ang 2024 Achiever Awards Rites gitambungan ni 3rd District Board Member Hon. Franco Angelo “Conkee” Buctuan, Provincial Administrator Wilberth “Jojo” Magallanes, mga kadagkuan ug mga kawani sa nagkalain-laing buhatan sa Kapitolyo-Probinsyal, mga kabanay, mga bisita higala mga bisita sa mga awardees. (Angelica T. Obina)

(SOURCE: PIC-ATruda with Mark Potot – Photographer)

Leave a Reply