Un persona el ya aresta y ya confisca valor de P612,000 valor de droga ilegal y armas de fuego con mga bala na implementacion de orden de buscada na costa este del ciudad, asegun con el policia del Lunes.
Asegun con Police Brigadier General Bowenn Joey Masauding, el director del Police Regional Office-9 (PRO-9), ya nombra lang con el arestao persona como un tal Jay.
Asegun con Masauding, con Jay ya aresta na un implementacion de orden de buscada mga alas 6 del Sabado aga na Barangay Tictapul, 80 kilometros este del ciudad.
Asegun con Masauding, ya confisca mga operativas un rifle carbin con mga bala y 90 gramos de suspechao shabu que tiene el valor de P612,000 y mga parafernales na usada de droga ilegal.
Si Masauding ya habla, ya detene con Jay en preparacion para el plantada del asunto contra conele. (B. Garcia)
