El mga agentes de ley ya confisca valor de P420,000 smuggled cigarillo na un operacion impulsado de inteligencia na costa oeste del ciudad de Zamboanga, asegun con el policia del Miercoles.
Si Police Brigadier General Bowenn Joey Masauding, el director del mando regional del policia, o Police Regional Office-9 (PRO-9), ya habla con el mga smuggled cigarillo ya confisca mga alas 6 del Lunes aga na Barangay Cawit, 13.35 kilometros oeste del ciudad de Zamboanga.
Asegun con Masauding, el mga confiscao smuggled cigarillo ta consisti 14 cajon con el valor de P420,000.
“Con el mga cigarillo ya encontra abandonao serca na un puente de pies,” si Masauding ya habla.
Con el mga confiscao smuggled cigarillo ya pone bajo’l custodia del Zamboanga City Police Station 9 para el propio documentacion.
Con el mga cigarillo ya entrega na Buro de Aduana para el apropriado disposicion. (B. Garcia)