Un bien “wanted” persona el ya aresta mga autoridad na operacion de aplicacion de ley aqui na ciudad del Zamboanga, asegun con el policia local del Miercoles.
El policia ya habla, con el aresta bien wanted persona ya conose como si Aaron Delos Santos alias Oblong, 20, un residente del Barangay Calarian, en este ciudad.
Asegun con el policia, con Delos Santos ya aresta na un operacion de aplicacion de ley por medio de sirvida de un orden de aresto mga alas 6:35 del Martes denoche na Sitio 36th IB, Barangay Calarian, en esta ciudad.
Asegun con el policia, si Delos Santos tiene pendiente orden de aresto por el crimen de “four counts statutory rape” sin recomendao piansa que ya dale el un tribunal local del Deciembre 11, 2023.
El policia ya habla con Delos Santos ya pone bajo’l custodia del Zamboanga City Police Station 8 antes que ay entrega conele na concierne tribunal.
(B. Garcia)
