Un persona buscada el ya aresta el mga autoridad na un operaciones de aplicacion de ley aqui na ciudad, asegun con el policia local del Martes.
Asegun con el policia local, con el arestao persona buscada ya conose como si Rodelyn Reyes, 34 años el edad y residente del Sitio Manga, Barangay Bolong, en este ciudad.
Asegun con el policia, con Reyes ya aresta na un operaciones de aplicacion de ley por medio de servir orden de aresto mga ala 1 del Lunes tarde na Barangay Divisoria, en este ciudad.
Asegun con el policia, si Reyes tiene pendiente orden de aresto por el crimen de matansa sin piansa y listao le como el numero dos persona mas buscadas na nivel del Zamboanga City Police Station 3 (ZCPS3).
El orden de aresto contra con Reyes ya dale el un tribunal local del Enero 29, 2024.
Si Reyes ta esta bajo’l custodia del ZCPS5 antes que ay entrega conele na concierne tribunal. (B. Garcia, photo courtesy of Police Regional Office-9)