Un persona mas buscada el ya aresta mga autoridad na un operacion de aplicacion de ley na provincia del Lanao del Sur, asegun con el policia del Martes.
Asegun con Police Colonel Robert Daculan, el director del policia na provincia del Lanao del Sur, con el persona mas buscada ya aresta na un operacion de aplicacion de ley por medio de servi’r orden de aresto mga alas 7 del Lunes aga na Barangay East Marinaut, ciudad de Marawi.
Si Daculan nohay mas nombra con el arestao individual puera de habla’r cay el suspechao listao como el numero uno persona mas buscada na municipio de Malundo, Lanao del Sur.
Asegun con Daculan, el arestao persona mas buscada, quien residente del Barangay Buadi-insuba, Malundo, tiene pendiente orden de aresto sin piansa que ya dale el un corte na ciudad de Marawi del Noviembre 6, 2023.
Si Daculan ya habla, con el arestao persona mas buscada ya pone bajo’l custodia del policia na municipio de Malundo para el propio disposicion. (B. Garcia)