Un persona mas buscada el ya aresta el mga autoridad na un operacion de aplicacion de ley na provincia del Maguindanao del Norte.
El Police Regional Office-Bangsamoro Autonomous Region (PRO-BAR) nohay nombra con el arestao suspechao puera lang de habla’r cay listao ele como el numero uno persona mas buscada na provincia del Maguindanao del Sur.
Asegun con el PRO-BAR, con el persona mas buscada ya aresta na un operacion de aplicacion de ley por medio de servida de orden de aresto de Lunes na Barangay Nangi, North Upi, Maguindanao del Norte.
Asegun con el PRO-BAR, el suspechao tiene el pendiente orden de aresto por el crimen de abuso carnal sin piansa que ya dale el un corte na region autonomo del Marso 25, 2024.
El PRO-BAR ya habla, con el persona mas buscada ya aresta despues que ya descubri cay ta esconde ele na Barangay Nangi, North Upi.
Si Police Brigadier General Prexy Tanggawohn, el director del PRO-BAR, ya comenda con el mga personajes por el de ila esfuerzo y dedicacion que ya resulta na aresto del persona mas buscada. (B. Garcia)
