El mga autoridad ya aresta un persona quien ta enfrenta dos cuentas de caso de simple robo na ciudad de Zamboanga, asegun con el policia del Lunes.
El Zamboanga City Maritime Police Station (ZC MARPSTA) nohay mas nombra con el arestao acusao con quien ya aresta na implementacion de orden de aresto mga alas dos del Sababo tarde na Barangay Zambowood, ciudad de Zamboanga.
Asegun con el ZC MARPSTA, el arestao acusao tiene pendiente orden de aresto por el crimen de dos cuentas de simple robo que ya dale el un corte na ciudad de Zamboanga.
El corte ya recomenda piansa de P10,000 cada un cuenta o el total de P20,000 para el temporario libertad del acusao.
Siguiendo su aresto, con el arestao acusao ya lleva na quartel del ZC MARPSTA para el propio foto policial.
Asegun con el ZC MARPSTA, con el arestao acusao ya lleva na oficina del salud del ciudad para el examinacion medico-legal antes que ya presenta conele na corte que ya dale el orden de aresto. (B. Garcia)