El Zamboanga City Police Office (ZCPO) ya confisca mas de P26.3 millon valor de shabu y marijuana desde’l mes de Enero hasta Noviembre 16, este año aqui na ciudad de Zamboanga.
Asegun con Police Colonel Alexander Lorenzo, el ZCPO director, con el P26.3 millon droga ilegal ya puede sila confisca na total de 346 campaña contra droga ilegal que ya resulta tamen na aresto del 370 suspechao.
Asegun con Lorenzo, el confiscao droga ilegal ta consisti 3,876,62 gramos de shabu y 8.74 gramos de seco hojas de marijuana.
Si Lorenzo ya habla cay con el mga droga ilegal ya confisca mga personajes del diferente estacion del policia, y mobile force companies bajo mando del ZCPO.
Si Lorenzo ya habla cay ta continua sila intensifica el campaña contra droga ilegal aqui na ciudad de Zamboanga. (B. Garcia, photo courtesy of ZCPO)