28.3 C
Manila
Monday, April 15, 2024

Zamboanga: 11ID ya instola nuevo hefe del ‘Dental Detachment’

- Advertisement -

El 11th Infantry Division (ID) ya instola nuevo comandante del 11th Dental Detachment (DD) na un ceremonia de cambio del mando na quartel del 11DD na Campo Bautista, Jolo, Sulu, del Jueves.

Si Brigadier General Christopher Tampus, el General Oficial-en-Cargao del 11ID, ya oficia con el ceremonia donde si Major Jacobo Siblawon ya entrega su puesto con Major John Edison Bañal.  

Si Tampus ya comenda con Siblawon por su buen servicio hinde lang con el mga soldao sino hasta con el mga vivientes del Sulu durante el conducta del mga programa de “Medical” y “Dental Civic Actions”.

Ya apela si Tampus con Bañal para continua con el mission del 11DD por medio de rindir excelente servicio.

Despues del cambio del mando, ya encabesa si Tampus y Coronel Gregorio Nievaras, el 11ID Inspector General, con el inaguracion del nuevo edeficio del 11DD.

Con el inaguracion del nuevo edeficio ya para de testigo canda Coronel Andrew Bacala, el 11ID Chief of Staff; Coronel Alaric Avelino Delos Santos, el 11ID Civil-Military Officer y otro mga personajes del 11ID. (B. Garcia, photo courtesy of 11th Infantry Division)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -