El mga oficiales del policia local ta esta comprometido para mantene con el Zamboanga segurao y protejido.
El mga oficiales ya expresa de ila promesa durante el de ila llamada tradicional de año nuevo con el Alcalde John Dalipe del Lunes aga na “City Hall”.
Con el llamda tradicional de año nuevo del mga oficiales del policia local ya encabesa si Coronel Alexander Lorenzo, el “Zamboanga City Police Office” director.
Si Dalipe, na su mensaje, ya expresa su implacable suporta con el policia local citando el impulse del su adminitracion de paz y seguridad.
Ya promete si Dalipe para continua dale mga necesario ayuda con el ZCPO y otros unidades de seguridad para el beneficio y bienestar del mga vivientes del ciudad.
El llamada de año nuevo es una edad antigua tradicion de aquellos na servicios uniformados que ta permiti con mga liderres subordinados manifesta cortesia y loyalidad con mga jefe ejecutivo. (B. Garcia, photo courtesy of City Hall PIO)
