Un persona mas buscada el ya aresta mga autoridad na un operacion de aplicacion de ley na provincia del Norte Cotabato, asegun con el Area Police Command-Western Mindanao (APC-WM).
El APC-WM ya nombra lang con el arestao persona mas buscada como si untal Rodel, 35 años el edad y residente del Sitio Kalapanit, Barangay Lanao Kuran, Arakan, Norte Cotabato.
Asegun con el APC-WM, con Rodel ya aresta na un operacion de aplicacion de ley por medio de servi’r orden de aresto del Lunes na Sitio Kalapanit, Barangay Lanao Kuran, Arakan.
Asegun con el APC-WM, el mga personajes del policia ya servi con el orden de aresto contra con Rodel cuando ya sabe sila si donde ta esconde el persona mas buscada.
Si Rodel tiene pendiente orden de aresto por violacion del Comprehensive Dangerous Drugs Act of 2002 con recomendao piansa de P200,000, el APC-WM ya habla.
El APC-WM ya habla, si Rodel listao como el numero uno persona mas buscada na municipio de Arakan y numero na provincia de Norte Cotabato. (B. Garcia)
