El mga autoridad ya aresta na un operacion de aplicacion de ley uno del Region 10 persona mas buscada na provincia del Zamboanga del Sur, asegun con el policia del Martes.
Si Police Brigadier General Bowenn Joey Masauding, el director del mando regional del policia, ya nombra con el arestao acusao como si Jay-Ar Aranding, el numero seis persona mas buscada na Region 10.
Asegun con Masauding, con Aranding ya aresta na un operacion de aplicacion de ley por medio de servi;r un orden de aresto mga alas 10 del Lunes denoche na Purok 7, Barangay Sumpot, Dimataling, Zamboanga del Sur.
Asegun con Masauding, si Aranding tiene pendiente orden de aresto de tres cuentas abuso carnal, abuso sexual, y violacion del Seccion 4(A) del Ley de Republica 11930, conocido como el Anti-Online Sexual Abuse o Exploitation of Children (OSAEC) and Anti-Child Sexual Abuse or Exploitation Materials (CSAEM) Act.
El orden de aresto contra con Aranding ya dale el un corte na municipio de Medina, provincia del Misamis Oriental.
Si Masauding ya habla, el aresto del numero seis persona mas buscada na Region 10 ya vene despues del continuando esfuerzo para aresta con mga fugitivos de alta prioridad envuelto ng mga monstruoso crimen. (B. Garcia)