Ay tene ya subestacion del Philippine Coast Guard (PCG) na municipio del Kabasalan, provincia del Zamboanga Sibugay.
Asegun con el Coast Guard District Southwestern Mindanao (CGDSWM), con el subestacion ay establisa na Barangay Santa Cruz, Kabasalan.
Si Commodore Marco Antonio Gines, el comandante del CGDSWM, y Alcalde Katrina Balladares del Kabasalan, ya firma un escritura de usufraccion (Deed of Usufract) para usa el PCG con el un edificio del Oficina de Pesca y Recursos Acuaticos por 30 años.
El edificio ay sirvi como el quartel del subestacion y con completo facilidad como oficina y lugar donde esta mga personajes del PCG designao na municipio del Kabasalan.
El presencia del PCG na Kabasalan amo para efectivamente compli con el mandato na implementacion del leyes, seguridad, protection del medio ambiente, y buscada y salvada ental caso tiene algun tagedia o calamidad.
Si Gines ya expresa su gratitud con el govierno municipal del Kabasalan por el suporta que ta dale con el PCG.
(B. Garcia, photo courtesy of CGDSWM)
