El Presidente Ferdinand Marcos Jr., el jefe comandante del Fuerza Armada del Filipinas, o AFP, ya premia el prestigioso AFP Campaign Streamer con el Joint Task Force (JTF) ZamPeLan, asegun con el militar del Domingo.
Asegun con el 1st Infantry Division (1ID), el premiada ya hace durante el celebracion del 89 Aniversario de Fundacion del AFP que ya conduci na Lapu-Lapu Granstand del Campo Emilio Aguinaldo, na ciudad de Quezon del Viernes.
El AFP Campaign Streamer Award ta reconoce con el exemplario esfuerzos del JTF ZamPeLan na desmantelada del Western Mindanao Regional Party Committee (WMRPC) del grupo de comunista terorista CPP-NPA-NDF que ya contribui grande para tene estable paz y seguridad y desarollo sin obstaculos na Zamboanga Peninsula.
Si Major General Gabriel Viray III, el comandante del JTF ZamPeLan, con orgullo ya recivi con el premio durante el ocasion na Campo Aguinaldo.
El JTF ZamPeLan bajo mando del Western Mindanao Command amo el primer unidad mayor del AFP ya desmantela con el comite regional del partido de un grupo terorista comunista na pais. (B. Garcia)