Zamboanga: Patrimonio ya visita na 1101Bde por ultima vez

Si Major General Ignatius Patrimonio, el comandante del 11^th Infantry Division (11ID), ya visita con el 1101^st Infantry Brigade (11Bde) antes que hay retira le na servicio militar na Viernes, Agosto 9.

El mga personajes del 1101Bde que ta encabesa si Brigadier General Mario Jacinto ya extende apropriado honor y una calurosa bienvenida con Patrimonio y con su familia.

Presente tamen el mga comandantes del 41^st Infantry Battalion 41IB y 104IB durante el visitada de Patrimonio y su familia na quartel del 1101Bde del Lunes na Bud Bayug, Talipao, Sulu.

Na su mensaje, ya rindi gracias si Patrimonio con el 1101Bde por el de ila calurosa bienvenida y ya alaba con Jacinto y otro lideres, expresa su alegria mientras ta aproxima el dia del su retiro na servicio militar.

Ya nota tamen si Patrimonio el positivo cambio na Sulu desde el tiempo ya asumi le como el comandante del 11ID.

Ya comenda tamen si Patrimonio con el mga soldao y comunidades local por el de ila trabajo y sacrificio para lleva paz na lugar.

Si Patrimonio ya servi serca sinco años como el comandante del 11ID. (B. Garcia)