Serca 500 individuales el ya beneficia na mision de extension o outreach mission que ya organiza el camara juvenil internacional-Jolo o Junior Chamber International-Jolo na provincia de Sulu, asegun con el militar del Jueves.
Asegun con el 4th Civil Relations Group (4CRG), el mision de extension ya conduci del Sabado na Barangay Bus-bus, Jolo, el capital del provincia del Sulu.
Asegun con el 4CRG, el actividad ya inclui servicios medicos y dentales, programa de alimentacion, y distribucion del cosas de escuelas.
Asegun con el 4CRG, el actividad tiene el objetivo promove unidad entre el mga soldao y organizacion no gubernamental na sustenidad de paz duradera y desarollo na jurisdiccion del 35th Infantry Battalion (35IB).
El 4CRG ya habla, el conducida del actividad ya facilita el Charlie Company del 35IB con el suporta del 11th Dental Detachment y 15th Civil-Military Operations Battalion.
El 35IB bajo’l liderato de Tiniente Coronel Cristopher Genzola y el Charlie Company ta encabesa ei Tiniente Brilliant Gonzaga. (B. Garcia)