Pacifico el celebracion de Pascua na provincia de Basilan, asegun con un alto oficial del militar del Martes.
Ese el cosa ya anuncia si Brigadier General Alvin Luzon, el comandante del 101st Infantry Brigade, quien na mismo tiempo ya rindi gracias con todo mga agencias de seguridad y con mga vivientes por el de ila suporta y cooperacion durante el tiempo de alegria del año.
“Hay continua el progreso y puede ya kita sustene con el paz aqui na Basilan,” ya habla si Luzon.
Si Luzon, quien ya asumi como comandante del 101st Infantry Brigade menos de seis meses ya pasa, mucho ya mga acomplisimiento y mejoras de paz y seguridad ya puede hace na Basilan que ya tene significancia na menorada na numero de criminalidad.
Ta asegura si Luzon cay puede sustene y mejora pa mas con el presente situacion na Basilan con el suporta del todo sector, mga gobierno local y de ila mga lideres. (B. Garcia, photo courtesy of 101st Infantry Brigade)