Zamboanga: P202-mil shabu ya recubri con un arestao vendedor de droga

0
8
photo courtesy of Lanao del Sur Provincial Police Office

Un vendedor de droga ilegal el ya aresta y valor de P202,640 droga el ya confisca mga autoridad na un operacion de compra busto na provincia del Lanao del Sur, asegun con el policia del Domingo.

Si Police Colonel Robert Daculan, el director del policia na provincia del Lanao del Sur, ya nombra lang con el arestao suspechao como si alias Onta, un residente del Barangay Buadi Insuba na municipio de Mulondo.

Asegun con Daculan, con Onta ya aresta mga alas 10:53 del Sabado denoche na Barangay Bangon, Mulondo, Lanao del Sur.

Si Daculan ya habla, ya puede recubri na posesion de Onta 29.8 gramos de suspechao shabu enpaquetao na 10 termosellada transparente sobrecitos plastic con el valor de P202,640, un bolso bandolera, un bolsa de antipara, un encendedor desechable, P40 dinero compuesto de ocho P5 moneda, y dinero de compra busto.

Con Onta ya pone bajo’l custodia del policia na municipio del Mulondo para el propio disposicion. (B. Garcia)

Leave a Reply