El Office of the Presidential Adviser on Peace, Reconciliation, and Unity (OPAPRU) que ta administra con el PAyapa at MAsaganang PamayaNAn (PAMANA) esperansao hace validacion del mga propuesto proyectos na provincia del Basilan.
Ese el cosa ya discuti si Anthony Peña, el director del PAMANA, cuando ya visita le na quartel del 101st Infantry Brigade que ta encabesa si Brigadier General Alvin Luzon na Barangay Tabiawan, ciudad de Isabela, Basilan del Lunes.
Asegun con Peña, mucho mga propuesto proyectos el esperansao implementa na diferentes municipio y ciudad del Basilan y necesita sila hace el validacion.
Mientras tanto, ya expresa si Luzon su suporta con el intencion para conduci validacion y evaluacion del mga propuesto proyectos.
Si Luzon ta cre cay el mga proyectos ay crea impacto significativo na populacion, y hay contribui na paz y desarollo del provincia de Basilan. (B. Garcia, photo courtesy of 101st Infantry Brigade)