29.9 C
Manila
Friday, March 1, 2024

Zamboanga: 1 persona irido na incidente de tiroteo

- Advertisement -

Un persona el ya iri na un incidente de tiroteo aqui na ciudad, asegun con el policia local del Martes.

El policia local ya nombra con el victima como si Ronald Etrone, 54 años el edad.

Asegun con el policia local, el incidente ya ocuri mga alas 10:30 del Lunes denoche na Purok 4, Barangay Malagutay, en este ciudad.

Base na investigacion, ta camina pa bolbida si Etrone cuando ya aparece el un desconosido persona ta maneja motorsiclo y enseguidas ya tira con el victima.

Asegun con el policia, con Etrone ya tupa na pescueso y admitido ahora na hospital para el tratamiento medical.

El policia ya sabe cay el suspechao ya escapa para na direccion del Barangay Sinunuc despues del incidente.

Ya recubri un capsula de calibre .45 pistola na lugar del crimen.

El Zamboanga City Police Station 8 ta continua de ila investigacion para determina si cosa el motivo y si quien el echor del incidente. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -