Un mujer on-line seller el arestao myentras valor de tresientos cuarenta mil de pesos suspechao shabu ya confisca na un campanya contra droga ilegal anoche aqui na ciudad.
Asegun con Coronel Alexander Lorenzo, Zamboanga City Police Office director, con el arestao suspechao ya conose como si Anersa Hassan, treynta anios el edad y residente de Barangay Sinunuc, este ciudad.
Asegun con Lorenzo con Hassan ya aresta na un “buy-bust operation” mga alas onse y media anoche alli na Barangay Baliwasan.
Mga operativas del pulisiya local ya puede confisca desde’l posesyon de Hassan un pakete de sincuenta gramos de suspechao shabu que tiene el valor de tresientos cuarenta mil de pesos, un smart phone, un celopein, ochenta’y seis pedaso de mil peso “boodle money” que ya pone insima un genuine mil peso como “marked money.”
El suspechao detenido ahora na quartel del pulisiya local. (Bong Garcia)