Total de 55 gato y perro el ya capa durante el primer actividad de capada del Oficina de Veterinario del Ciudad, o OCVet, para este año.
Ese despues que ya resumi el OCVet el capada de mga gato y perro del Jueves na compound del mencionao oficina na Barangay San Roque, en este ciudad.
Asegun con el OCVet, el primaria objetivo del capada del mga gato y perro amo para controla con el populacion del mga domesticao animal.
El capada del gato y perro ta elimina con el ovario y testiculos del mujer y hombre animal, respetivamente para hinde na sila puede reproduci anak.
Asegun con el OCVet, base na studio, el capao domesticao animal ta vivi largo vida y con buen salud.
El capada del mga domesticao animal es un regular programa del OCVet que ta conduci cada mes. (B. Garcia)