El Oficina del Veterinario del Ciudad (OCVet) ta encabesa con el observacion de “Rabies Awareness Month (RAM) para dale bastante informacion sobre el efecto del rabis y tambien promove responsable dueño de animal domestico na ciudad.
El celebracion formalmente ya principia del Viernes, Marso 1, por medio de un recorida na diferente partes del pueblo.
El recorida ya termina na escuela de elementaria del Barangay San Roque donde ya conduci un programa y despues ya sigi el conducida de clavada de bacuna contra rabis y un cine.
Asegun con Dr. Mario Arriola, el veterinario del ciudad, el observacion del RAM ay culmina por medio de un “Rabie Quiz Bee” na Marso 22 que ay participa mga estudiantes del escuelas publico de elementaria.
Este año, el oficina de Arriola ta esperanza revitaliza con el esfuerzo de informacion sobre el efecto de rabies para menora con el incidente de mordida de animal.
Del otro año, el oficina de salud del ciudad ya reporta cay ya tene 13,620 caso de mordida de animal aqui na ciudad. (B. Garcia, photo courtesy of OCVet)