El mga autoridad ya aresta na provincia del Zamboanga del Sur na un operacion de aplicacion de ley con el uno del mga personas mas buscada na Misamis Occidental, asegun con el policia del Miercoles.
El mando regional del policia, o Police Regional Office-9 (PRO-9), ya identifica con el arestao persona mas buscada como si Rafhie Catubig Bartolaba, un residente de Purok 3, Barangay Malaubang, ciudad de Ozamis, Misamis Occidental.
Asegun con el policia, con Bartolaba ya aresta na un operacion de aplicacion de ley por medio na implementacion de orden de aresto mga alas 3:23 del Lunes aga na Purok Petchay, Barangay Danlugan, ciudad del Pagadian, Zamboanga del Sur.
Asegun con el policia, si Bartolaba tiene pendiente orden de aresto por el crimen de abuso carnal y listao como el numero ocho persona mas buscada na provincia del Misamis Occidental.
Asegun con el policia, el orden de aresto sin recomendao piansa contra con Bartolaba ya dale el un corte na ciudad de Ozamis, Misamis Occidental del Deciembre 2, 2024.
El policia ya habla, con Bartolaba ya pone bajo’l custodia del policia na ciudad de Pagadian para el propio disposicion. (B. Garcia)