Zamboanga: Numero 10 prioridad objetivo na campaña contra droga arestao

0
7
(Photo courtesy of PRO-9)

Un persona clasificao como prioridad objetivo el ya aresta y mas de media millon de pesos valor de droga ilegal el ya confisca mga autoridad na un operacion contra droga na ciudad de Zamboanga, asegun con el policia del Miercoles.

El Zamboanga City Police Office (ZCPO) ya habla el arestao suspechao es un 23 años persona, quien listao como el numero 10 prioridad objetivo na nivel regional na campaña contra droga ilegal.

Asegun con el ZCPO, con el suspechao ya aresta na un operacion de compra busto mga alas 5:41 del Lunes denoche na Barangay Talon-Talon, ciudad de Zamboanga.

Asegun con el policia, ya confisca na posesion del suspechao shabu enpaquetao na seis diferente grandor de plastico sobrecitos que tiene el valor de P455,600, un pitaka, y P500 markao dinero.

Con el arestao suspechao ya pone bajo’l custodia del Zamboanga City Police Station 6 para el documentacion y en preparacion para el plantada del caso contra conele.

Si Police Brigadier General Bowenn Joey Masauding, el Police Regional Office-9 (PRO-9) director, ya comenda con el mga operativas del ZCPO por el exitoso campaña contra droga ilegal que ya resulta na aresto del numero 10 prioridad objetivo na nivel regional. (B. Garcia)

Leave a Reply