Prinsipyando maniana dia de Huwebes, Septiembre 15,2022 el colektada del maga basura na Central Business District ay prinsipya na ora de alas seis del noche hasta alas seis del aga. Asegun este con el Alcalde Dalipe donde ya dale ele orden para strictamente implementa con el Solid Waste Management Program aqui na ciudad. Base na directiva del Alcalde deb ease separta con el maga basura ta man bulok na maga basura que hende ta man buluk.
El Office of the City Environment and Natural Resources ya distribuji ya maga carta na todo maga establisimiento bajo na Central Business District para informa con el nuevo polisiya. Del mes de Agosto ya prinsipya conduci orientation de Solid Waste Management el OCENR para na magma estalisimiento y na maga duwenyo na maga barangay sigiendo na executive order JD 2022-008, un orden que ta require con el maga establisimiento que man secure Solid Waste Management Certificate.
El mencionao orientation unu tambien del maga requirimiento para man issue con el Solid Waste Management Certificate y pago de tres cientos pesos para na mencionao certifico. (Cristine Falcasantos, photo courtesy of City Government of Zamboanga Facebook page)