El gobyerno local de Zamboanga hay abre con el Night Market na Integrated Bus Terminal na dia de biyernes, Septiembre 26,2022 en celebracion del dia de nacimiento del Alcalde John Dalipe.
Covid-19 vaccination con libre cinco kilo de aros para na first and second booster vaccinees ay tiene tambien na mencionao night market. El IBT Night Market amo el aka tres night market que hay abre cay del mas reciente ya abre del Agosto 15 el night market na Rizal Street, aca Segundo el na Baban Street del Septiembre 5,2022 y el tres mencionao night market parte del celebrasyon del Zamboanga Hermosa Festival.
Asegun con el City Administrator Mario Yanga tiene trentay dos maga concessionaires hay bende maga dry goods y otros pa maga food products hay accomoda el IBTnight market. Despues el un seminar que ya conduci el Business Permits and Licensing Office (BPLO), City Health Office, Office of the City Environment and Natural Resources (OCENR) y el Integrated Bus Terminal.
El mencionao seminar ya conduci ayer dia de martes donde ya discuti con el operating guidelines, orientation on food safety, Solid Waste Management y maga regulasyon del IBT. (Cristine Falcasantos)