El mga siembrador desde’l lindero del tres municipio na provincia del Zamboanga del Sur enbuenamente ya ahora ta puede lleba de ila mga productos agricultural na mercado publico.
Ese ya vene despues que ya completa cementa el Departamento de Agricultura por medio del “Philippine Rural Development Project” con el “Provincial Road Junction” del Gumahan–Diwan–Parasan-Mabuhay-Sudlon “farm-to-market road”.
Asegun con el Departamento de Agricultura, el proyecto tiene el largor de 18.22 kilometros que tiene el valor del P206.9 millones.
El proyecto ya beneficia total de 7,559 familiares quien ta queda na lindero del mga municipio de Josefina, Mahayag, y Molave, Zamboanga del Sur.
Si Rosalie Malaras, 42 años de edad y residente del Barangay Leonardo, Josefina, ta acorda pa con el de ila dificultad de antes, especialmente si tiempo’y ulan. El Barangay Leonardo, un lugar malisud para anda.
Ya habla si Malaras cay hinde le ta ulbida el tiempo cuando porsao sila vende de ila “cassava chips” na precio de P2 cada kilo contra hinde sila encontra ni nada cay ta man bulok ya de ila producto.
Aquel incidente, asegun con Malaras, ya demoraliza el mga siembrador quien nohay mas gana siembra camanting.
Ya tene mucho mejoras na lugar de canda Malaras cuando ya completa el proyecto.
“Actualmente, con el buen camino, ta puede ya came lleva de amon productos na mas temprano tiempo,” Si Malaras ya habla.
(B. Garcia, photo courtesy of DA-PRDP)
