Gipahigayon karong adlawa, Huwebes, Oktobre 26, 2023 ang Ceremonial Groundbreaking sa Ecopark ang kanhi Cebu Zoo nga nahimutang sa Barangay Kalunasan, Siyudad sa Sugbo.
Gihimo ang ceremonial groundbreaking tungod sa plano ni Mayor Michael L. Rama nga himoong Cebu City Eco park Wildlife Resource Conservation and Protection Facility ang kanhi Cebu Zoo diin gitudlo niyang moduma niini mao si Lemuel Felisario.
Usa ka santos nga misa nga gi-celebrate ni Rev. Fr. Allan Jose Arcebuche OFM ug pagkahuman gisunod dayon ang Ceremonial Groundbreaking pinangulohan mismo ni Mayor Mike Rama, City Administrator Atty. Collin Rosell, City Budget Officer, Atty. Jerone Castillo, Konsehal Joel Garganera, Lemuel Felisario, Executive Director, Coastal Management Board (CMB) Cebu City Eco Park, ug ang pipila ka mga department heads uban ang mga empleyado sa City Hall.
Sa wala pa gisugdan ang misa ug groundbreaking sa Eco Park, Si Mayor Rama nag “trekking” palibot sa pito ka hektaryang luna sa kanhi Cebu Zoo kauban ang pipila ka mga department head sa City Hall.
Si Konsehal Garganera nakahinumdum nga sa maong lugar kaniadto makita niya ang mga “wild animals” sama sa og buaya, gorilla, tigre ug mga exotic nga mga klase sa langgam uban sa mga kahuyupan.
“I understand kani siya ang Ecopark , this is coordination and cooperation with different departments specially sa agriculture, CCENRO perhaps, engineering because we need infrastructure here.” pulong ni Garganera.
Matud ni Garganera niadtong Oktobre 10-13 ang Philippine Biodiversity Conservation Foundation nagpahigayon og tulo ka adlaw nga seminar dinhi sa dakbayan sa Sugbo og ilang nadungog ang tingog sa “siloy” gikan sa black shama kinsa gihulagway nga endangered sumala pa sa International Union Conservation of Nature sa dihang ila kining giadto ang maong lugar.
“The fact nga nakadungog sila dinhi, there is still hope nga mabalik nato nga ma reforest nato using endemic frisk kay kanang endemic frisk diha sad mo comein atong mga mananap.
Kahinumdoman pito na katuig sukad gipasirad-an ang Cebu Zoo nga gidulama pa ang siyudad sa laing administrasyon niadtong tuig 2016.
“Malipayon kaayo ko namugna ni, dili ni para ako…para ni sa atong mga anak ug apo.” pulong pa ni Mayor Rama.
Si Felisario sa iyang bahin nitug-an nga gipahibawo siya sa Cebu City Environment and Natural Resources Office (CCENRO) nga dunay 5 milyones pesos nga budget allocation nga gamitonon sa pagpalambo balik sa kanhi Cebu Zoo. (PIO/REYPAS)
(Source: Cebu City • News & Information Facebook page)