Si Police Brigadier General Allan Nobleza, el Police Regional Office-Bangsamoro Autonomous Region (PRO-BAR) director, ya visita con mga personajes del policia na dos isla na provincia de Tawi-Tawi.
El dos isla que ya visita del Viernes si Nobleza amo el mga municipio del Sibutu y Sitangkai.
Durante su visitada, ya chekia si Nobleza con el moral y bienestar del mga pulis y ya alaba ele canila por el de ila esfuerso na mantencion de paz y orden na dos isla.
Ya enfatiza (emphasized) si Nobleza el mga critical asuntos relatao na conducta del eleccion para del mga ofciales del barrio y de los jovenes.
Ya ase acorda si Nobleza con el mga pulis na dos municipio cay el asociacion con el comunidad es un esencial para na un eficiente policia.
De mas temprano del Viernes, si Nobleza ya participa na caminada de unidad y primada del pacto de paz que ya ase na Barangay Tubig Boh, Bongao, el ciudad capital del provincia de Tawi-Tawi. (B. Garcia, photo courtesy of PRO-BAR)