Zamboanga: DSWD ya dale ayuda con mga victima de incendio

0
6

El oficina regional del Departamento de Bienestar Social y Desarollo o el DSWD ya dale ayuda con mga victima de incendio que ya ocuri del Jueves na Paseo de Mangal, Barangay Baliwasan en este ciudad.

El “Disaster Response Management Division” del oficina regional del DSWD amo el ya encabesa con el distribucion del ayuda con mga victima del incendio del Viernes.

El ayuda ya inclui el dalida de paquetes de comida familiar, balde o gallon para pone agua, galamiton de cocina y otros pa que ya alcansa na total cantidad de P421,306.

El oficina regional del DSWD ta continua coordina con el govierno local para sabe si cosa pa el otro ayuda ta necesita mga victima de incendio.

El bombero ya habla cay total de 40 casa el ya afecta na incendio na Paseo de Mangal, Barangay Baliwasan del Jueves.

Asegun con el bombero del ciudad, el destroso de propiedad ya alcansa mas o menos de P1-million. (B. Garcia, photo courtesy courtesy of DSWD Facebook page)

Leave a Reply