El Naval Forces Western Mindanao (NFWM) ya man hunto con el JL Sayang Consumer Trade para dona cosas esencial con el Holy Trinity Open House Foundation, Incorporated na ciudad de Zamboanga, asegun con el NFWM del Lunes.
Asegun con el NFWM, con el donacion del cosas esencial ya entrega del Jueves con el Holy Trinity Open House Foundation, Incorporated.
Asegun con el NFWM, el mga donao cosas esenciales ta inclui tres sacos de arroz, tres cajon, y omento bags ta contene comida en latao, noodle, productos de hygiene, y cosas de tocador para ayuda na mga necesidades del orfanato.
El Holy Trinity Foundation ya expresa de ila sincero gratitude, notando si quemodo este mga donacion hay hace un grande diferencia na de ila operaciones diario.
El fundacion ta concentra proporciona cuidado y segurao medio ambiente para mga huerfamos y ta depende mucho na genorosidad del mga grupos como el NFWM y JL Sayang Consumer Trade.
El JL Sayang Consumer Trade ya comparti de ila compromiso na continuando semehante esfuerzo que ya lleva positivo cambio con aquellos quien necesita.
Asegun con el NFWM, sila y el de ila asociaciones ta esta dedicao para suporta comunidades na Oeste Mindanao, demostrando cay el fuerza naval hinde lang acerca de defensa pero acerca tamen de ayuda’r hente necesitado. (B. Garcia)