El Fuerza Armada del Filipinas ya despelga con el Maritime Security (MARSEC) Capable Battalion del Philippine Marines para na provincia del Tawi-Tawi, mejorando con el seguridad de maritima na sur parte del Filipinas, asegun con el militar del Lunes.
Asegun con el 4th Civil Relations Group (4CRG), el MARSEC Capable Battalion, conocido tamen como el Marine Battalion Landing Team-4 (MBLT-4), ya reemplaza con el MBLT-1, que ya servi un papel critico na protegida con el aguas teritoriales del pais desde’l varias amenaso.
El formal entrego del responsibilidades ya hace na un ceremonia del Sabado na municipio del Panglima Sugala, Tawi-Tawi.
El 4CRG ya habla, el nuevo despelgao MBLT-4 es un entrenao especificamente and equipado para mejora con el esfuerzo de seguridad maritima del Filipinas.
Na su mensaje, el Gobernador Yshmael Sali, ya extende un calurosa bienvenida con el MBLT-4, expresando confidencia na de ila abilidad para mantene paz y orden na provincia.
Si Brigadier General Nestor Narag, Jr., el comandante del 2nd Marine Brigade (2MBde), ya enfatiza tamen el importancia del unidad entre el mga personajes del MBLT-4.
“Para con mga miembros del MBLT-4, mientras ta acclimatiza ustedes con el panorama operativo del 2MBde, crucial para reconoce cay hinde lang ustedes simplemente ta man hunto con un unidad; ta queda ya ustedes parte integral del un familia muy unida,” si Narag ya habla. (B. Garcia)