30 C
Manila
Saturday, April 13, 2024

Zamboanga: Negociante muerto na incidente de tiroteo

- Advertisement -

Un negociante el ya muri y su hermano el ya puede escapa na un incidente de tiroteo na costa oeste de este ciudad, asegun con el policia local del Sabado.

Asegun con el policia local, el incidente ya ocuri mga alas 9:53 del Viernes denoche na Purok 7, Barangay Recodo na costa oeste del ciudad.

El policia local ya nombra con el fatalidad como si Aubrey Ishmael Mohammad, 38 años el edad.

Nohay mas nombra el policia con el hermano del victima quien ya puede escapa.

Base na investigacion, antes del incidente, si Mohammad ta espera con su hermano desde Sibuco, Zamboanga del Norte, para entrega conele el encontrada del “small town lottery (STL)” na mencionao municipio.

Asegun con el policia, derepente ya entra na casa de Mohammad el un desconosido armao persona y ya tira con el negociante despues que ya llega su hermano y para principia ya era sila conta si cuanto el coleccion del STL na Sibuco, Zamboanga del Norte.

Asegun con el policia, si Mohammad ya sufri tres irida de bala que ya causa su enseguidas muerte mientras su hermano ya puede esconde na segundo piso del casa.

El suspechao enseguidas tamen ya munta na un motorsiclo del su compañero quien ta espera conele y ya corre para na interior parte del Purok 7, Barangay Recodo llebando con el encontrada del STL na Sibuco.

Ya puede recubri mga pulis dos capsula de calibre .45 pistola na lugar del crimen.

El policia ta continua de ila investigacion para alomenos determina si quien y para el possible aresto del mga echor del incidente. (B. Garcia)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -