El fuerza militar en asociacion con el Gawad kalinga Sulu ya construi un edificio con dos cuarto de estudio na un escuela na provincia del Sulu, asegun con el militar del Lunes.
Asegun con el 4th Civil Relations Group (4CRG), el recipiente del proyecto amo el escuela de elementaria de Ahajani na Barangay Kabbon Takas, Patikul, Sulu.
Asegun con el 4CRG, con el edeficio con dos cuarto de estudio ya inagura y entrega del Sabado con Ahajuli Ahajani, el barrio capitan del Kabbon Takas.
Durante el inaguracion del proyecto, presente tamen canda Brigadier General Christopher Tampus, comandante del 1103rd Infantry Brigade, Coronel Narciso Paragas, el director del policia na Sulu, Padre Bienvenido Nebres, el antes presidente del Universisad de Atenao na Manila, mga maestros y maestras, estudiantes, y residentes del Barangay Kabbon Takas.
“Este esfuerzos colaborativo es un simbolo del vuelta na normalidad y istabilidad, cay el escuela amo el piedra angular de cualquier comunidad y el de ila operacion ta significa un funccional y pacifica sociedad,” el 4CRG ya habla.
Con el proyecto ya construi el por medio de colaboracion entre el 35th Infantry Battalion, Gawad Kalinga Sulu y 545th Engineering Battalion. (B. Garcia)