El Philippine Army esperansao transferi un batallon de soldao para na provincia del Zamboanga del Sur desde provincia de Basilan.
Asegun con el militar, con el batallon que esperansao transferi para na municipio de Guipos, Zamboanga del Sur amo el 64th Infantry Battalion (IB) que presentamente base na Barangay Tumahubong, Sumisip, Basilan.
Si Tiniente Coronel Abel Potutan, el comandante del 64IB, ya ase un llamada de salida con Hadjiman Hataman-Salliman, el gobernador del Basilan, este dia de Martes para informa con Salliman sobre el esperansao transferida del batallon.
El 64IB, que ya servi con el Basilan por nueve años, amo el de todo mas viejo mando del Army que ya servi con el provincia, particularmente con el municipio de Sumisip.
Durante el llamada de salida, ya rindi gracias si Salliman con Potutan y con su personajes por del de ila dedicacion na servida con el Basilan y con el mga residentes del provincia por nueve años. (B. Garcia)