Cuarenta’y ocho puerco el nuevo ya muri porcausa na infeccion de African Swine Fever (ASF) aki na ciudad del Zamboanga.
Porcausa de ese, ya alcansa ya na suma total de mil dosientos nueve puerco el ya muri desde lunes pasao porcausa de ASF.
Base na lista del Oficina del Veterinario del ciudad, tres tamen nuevo âhog raisersâ el ya omenta na lista del maga ya sale afectao porcausa na ASF.
Total de dosientos noventa’y ocho el numero del maga Puerco ya mata que ta lleva na suma total de quininetos catorse, con onse nuevo puerca que ya mata desde lunes.
El Zamboanga City ASF Task Force, que ta encabesa el Oficina de Veterinario del Ciudad, ya habla cay el numero del maga barrio que ya sale afectao na ASF ta esta syempre na catorse prinsipyando del mes pasao cuando ya pone baho con el ciudad baho na ASF Red Zone.
El maga afectao barrio ta cay baho na sinco distrito de veterinario. Este amo el mga siguente distrito: Tumaga, San Roque, Manicahan, Curuan y Vitali. (Cristine Falcasanto, photo courtesy of City Government of Zamboanga page)