Mga personajes del Police Station 6 ya confisca mga smuggled cigarillo del myerkoles madrugada alli na Sitio Don Ramon, Barangay Kasanyangan, este ciudad.
Asegun con el Police Station 6 cay mga personajes del de ila precinto ta encabesa si Tiniente Emelinda Avenido ta man follow-up un reportao incidente de tiro cuando ya columbra sila un vehiculo ta contene ocho cahon de cigarillo.
Conl mga cigarillo tapao de tela ya abandona el duenio cuando ya columbra el presencia del mga pulis.
Asegun con el pulis cay el mga cigarillo tiene el cantidad de sesenta mil de pesos.
Con el mga cigarillo ya lleba na Police Station 6 para el propio disposision. (April Boy Regino)