Maga pulis ya aresta con un persona y confisca balor de cos sientos mil de pesos smuggled cigarillo maga alas cuatro cuarenta’y sinco ayer aga alli na Sitio Catumbal, Barangay Culianan, este ciudad.
Asegun con Coronel Alexander Lorenzo, Zamboanga City Police Office director, cay con Brazil Mudjahirin, 28, ya ase apas y ya puede aresta cay ya precura ele desviya y escapa cuando ya columbra le con maga pulis ta man checkpoint.
Akel tiempo si Mudjahirin ta maneja un Sports Utility Vehicle y de camino para na costa iste estaba na pueblo.
Si Lorenzo ya habla cay ya puede recubri maga personajes del Police Station 4 ocho carton de cigarillo sin el propio documento adentro na vehiculo de Mudjahirin.
Con el maga confiscao contraband ya entrega el pulis na Buro de Aduana (Bureau of Customs) para el propio action. (Regino Delos Santos)