Un “medic” del rebelde New People’s Army (NPA) ya rindi del otro semana con mga autoridad alla na provincia del Maguindanao del Norte, el militar ya anuncia del Lunes.
El Western Mindanao Command (Westmincom) ya nombra lang con el medic del NPA quien ya rindi como un tal Agpol, del Platoon 1 bajo el “Sub-Regional Committee Daguma”, del “Far South Mindanao Region.
El rindida de Agpol ya facilita el 57th Infantry Battalion (IB) y ya presenta conele con Major General Alex Rillera, el comandante del 6th Infantry Division.
Asegun con el Westmincom, si Agpol ya entrega un riple M-14 con dose bala cuando ya rindi le na 57IB.
Con Agpol ya pone bajo el custodiya del 57IB para el integoracion mientras con el pusil que ya entrega le ya deposita na mencionao mando. (B. Garcia, photo courtesy of 57IB)