Davao City – Sikop ang usa ka 29 anyos human nga gikasa sa mga sakop sa Baguio Police Station ang drug buy bust operation sa Purok Durian A, Barangay Baguio Proper, Baguio District, Davao city.
Giila ni Davao City Police Office (DCPO) Spokesperson Police Captain Hazel Tuazon ang dinakpan nga si Raul Ambis alyas Ron-ron, 29-anyos.
Nakuha sa posisyon sa suspek ang usa ka pakete sa gituohang shabu ug 22 Caliber pistol nga may duha ka mga bala.
Sa karon, himas rehas ang suspek ug magatubang sa kasong paglapas sa RA 9165 Comprehensive Dangerous Drugs Act of 2002, RA 10591 Illegal Possession of Firearms ug Comelec Gun Ban. (Camille Santos Naraga)
(Source: DCPO)