El Oficina de Medio Ambientes y Recursos Naturales del Ciudad o el OCENR ta ase el llamada con mga vivientes para esta responsable y hace el de ila parte mantene limpiesa na ciudad todo’l dia.
Si Gerry Pollisco del OCENR ya ase el llamada del Martes despues su observacion cay bien monton el basura na diferente parte del ciudad despues el dia de Pascua.
Asegun con Pollisco, debe el mga residentes ayuda na mantencion de limpiesa todo’l dia, hinde lang na tiempo del mes de Pascua.
Asegun con Pollisco, el mantencion del limpiesa es un responsibilidad tamen del cada uno del mga vivientes, hinde solamente obligacion del gobierno.
El OCENR ya designa mga personajes mga alas 5 del Martes aga ng mga camino, parke y jardin para mantene el limpiesa del ciudad. (B. Garcia, photo courtesy of OCENR)